Pomparan Ompu Gomar

Sejarah Ompu Pinondang Hutagalung ( Gomar Hutagalung - Sofia br Hutauruk )

Parjolo haroro ni oppung nami Omp. Sahata sian Hutagalung Harean ia Hutagalung nami Hutagalung Tuan Napitu, mangaratto ma oppung nami on tu Huta Lobu Sikkam jala mangalap boru Parapat sian Lumban Sijungkot jala sonduk hela ma disi jala anakna Sahata muse mangalap boru Hutauruk sian Hutabagasan dungi mangaratto ma tu Lobu Sikkam jala tinggalma disi hira ra piga taon, jala dung ra piga taon tinggal disi dang ra adong nani pinarorotna dungi marpanungkuni ma oppug nami tu halak namalo ahado manghalahi parjalanan ni oppung nami on binna tung songoni lelengna manarihan napinarorotna. Dung marpanungkun oppung nami on tung sahalak namalo dihutai roma hata ni namalo mandok na ikkon mulak ma oppung nami on tu huta ni hula-hulana Hutauruk di Hutauruk Parjulu (Hutabagasan) dung songoni hata ni namalo ai dirimang-rimangima di bagasan rohana dungi mulak ma halaki tutu tu hutani hula-hulana tu Hutabagasan. Dungi ngabe sonduk hela ma nasida di huta jala dungi tutu sada asi ni rohani Tuhanta Namartua Debata di lehon ma tutu sada dakdanak ima oppung nami Omp.Tumbur (Johan) udut ni tutu ngabe ma tutu oppung na mi on ngabe maranakon 4 (opat) baoa dohot 1 (sada) borua ima (Johan Hutagalung, Jamian Hutagalung, Muliater Hutagalung, Daria Hutagalung, Hilderia br Hutagalung, Karal Hutagalung),

Boima dison dipatorangkon songon ni ruas na tamba sian pomparan Ompung Gomar Hutagalung sahat tu saonari ima :

Parjolo :Johan Hutagalung mangalap boru sian Lumban Baringin I ma Dorkas br Hutauruk sian ni dilehon tuhanta ma 3 (tolu) baoa dohot 5 (lima) boru.

Paduahon : Jamian Hutagalung mangalap boru sian pahae ima br Simanungkalit sian ni adong …. baoa dohot 4 boru. Molo tambak na adong saonari di dolok jonok tu huta Sosor Hutagalung di Sipoholon.

Patoluhon : Muliater Hutagalung mangalap boru Tambunan sian …….. sian adong 1 (sada) baoa dohot 1 (sada) boru.

Paompathon : Daria Hutagalung mangalap boru Silitonga sian ………. sian ni adong ma 4 (baoa) dohot 4 (opat) boru.

Palimahon : Hilderia br Hutagalung na dialap Marga Lumban Tobing sian Huta Banuaji sian ini adong do 3 (tolu) baoa dohot 4 (opat) boru. Sahat tu saonnari be halakki rap tinggal ma di huta Banuaji molo disi adong do amangboru I manjaga jabu i.

Paonomon : Karal Hutagalung na mangalap boru Parapat sian Lumban Sijongkot sian Sipaholon sian ni adong 4 (opat) baoa dohot 4 (opat) boru.

Sahat tu saonari gabe ma tutu pomparan ni oppung nami on songoni tinggal di huta nang songoni tinggal di tano parserahan. Dung manang piga taon di huta ni hula-hulana antar hurang tabo ma parhombaran ni oppung nami tu hula-hulana. Dung songoni ala asi ni rohani hula-hula nami Parapat dilehon ma parhutaon nami di Sosor Hutagalung.